Skip to main content

Shuruudaha isticmaalka

App-ka NHS COVID-19: Shuruudaha isticmaalka

Marka aad eegto oo aad adeegsato, waxaad oggolaatay Shuruudaha Isticmaalka Adeeggan.

Heshiiska shuruudaha

Ku soo dhowow app-ka NHS COVID-19 ('app') iyo websaydhka taageera (https://covid19.nhs.uk/) (si wadajir ah, 'adeegga'), Barnaamijka taleefannada casriga ah, iyo websaydhka. Waaxda Caafimaadka iyo Daryeelka Bulshada ('DHSC', 'Anaka', 'kuwayaga') waa soosaaraha sharciga ah. App-ka wuxuu taageeraa Baaritaanka NHS, Raad-raac iyo adeegga Badbaadinta ee Wales iyo adeegga Baaritaanka iyo Raad-raacista NHS ee England.

Waxaan hadda la shaqeyneynaa hawl-wadeenada Adeegyada Caafimaadka ee bixiya barnaamijyada raac-raadinta dhijitaalka ee Gibraltar, Jersey, Northern Ireland iyo Scotland. Dhamaanteen waxaan isticmaalnaa adeegga Apple iyo Google si aan u taageerno raac-raadinta dhijitaalka ah si aan u hubino in adeegsadayaasha app-ka ay sida ugu habboon loo digay.

Shuruudahaani waxay khuseeyaan dhammaan waxyaabaha ku jira adeegga, websaydh kasta oo ay soo saartay adeeggu, wixii isdhexgal ah ee aad la yeelan karto adeegga, iyo wixii jawaab celin ah ama soo gudbin ah ee lagu soo celiyo adeegga. Soodejinta, daawashada, iyo / ama adeegsiga adeegga, waxaa lagugu qaddarin doonaa inaad ku raacsan tahay Shuruudaha Adeegan.

Ujeedo

App-ka waxaa loogu talagalay inuu ka caawiyo dadka England iyo Wales (oo ay ku jiraan kuwa soo booqda) coronavirus (COVID-19). Waxay ka caawisaa dadka inay aqoonsadaan oo ay u sheegaan kuwa halista u galay ama laga yaabo inay khatar ugu jiraan meesha ay ku nool yihiin, cidda ay xiriirka dhow la leeyihiin ama goobaha ay booqdeen. Adeegsadayaasha waxay taageeri doonaan jawaabta caafimaadka bulshada ee aafada, iyo waliba in la hubiyo in app-ka u shaqaynayo sidii la filaayay, ayagoo la wadaagaya macluumaadka (si qarsoodi ah) labada barnaamij ee raac- raadinta shakhsiga England iyo Wales. Adiga oo adeegsanaya App-ka isla markaana wadaagaya macluumaadkan, waxaad kaalin muhiim ah ka geysan doontaa sidii aad bulshadaada uga caawin lahayd inay caafimaad qab ahaato oo nolosha la badbaadiyo

App-ka waa CE oo loo calaamadeeyay inuu yahay aalad caafimaad oo Nooc I ah ee Boqortooyada Ingiriiskaoo lagu sameeyay iyada oo la raacayo u hogaansanaanta Amarka Komishanka Yurub ee ah 93/42/EEC aaladaha Class I.

Adeeggu wuxuu keliya lagu talagalay ujeedooyinka sida ku cad Ogeysiiska Asturnaanta (https://www.gov.uk/government/publications/nhs-test-and-trace-app-privacy-information).

Isticmaalkaaga app-kan waxaa xukuma sharciyada England iyo Wales.

La shaqaynta adeegyada kale ee caafimaadka

Haddii laga helo coronavirus oo aad siiso ogolaanshaha inaad u digto adeegsadayaasha kale ee app-ka, waxaan la shaqeyn doonnaa hawl-wadeenada adeegyada caafimaadka si loo hubiyo in dhammaan adeegsadayaasha app-ka ay helaan digniin.

Adigoo adeegsanaya adeegga Apple Google, waxaan hubineynaa in aqoonsigaagu uu qarsoodi u yahay adeegsadayaasha kale ee app-ka iyo dowladda.

Hawl-wadeenadeena waa:

  • Gibraltar, Jersey, Northern Ireland iyo Scotland

Hawlaha App

App-ku wuxuu leeyahay shaqooyinka soo socda:

  • digniinta laso-xiriirka, taas oo kuu oggolaanaysa inaad ogaato haddii aad u dhoweyd adeegsade kale ee app-ka oo laga helayCOVID-19
  • macluumaadka waqtiga-dhabta ah ee ku saabsan khatarta COVID-19 ee aaggaaga
  • Qalab 'Iska xaadirnta' goobaha lagu muujiyo koodhka rasmiga ah ee NHS QR, kaasoo kuu oggolaanaya inaad hayso diiwaanka goobaha la booqday iyo helitaanka digniinaha ku saabsan wixii dillaaca ee ka dambeeya
  • hubiyaha astaamaha si loo arko haddii aad haysan karto COVID-19
  • xiriirin ku socota websaydhka ku habboon, si aad u dalbato baarotamka COVID-19
  • dib u xisaabinta si laguu ogeysiiyo inta ku harsan haddii aad u baahatid inaad is-go’doomiso
  • Wadaagista macluumaadka qarsoodiga ah si ay gacan uga geysato maareynta iyo ka jawaabidda xaaladaha caafimaad ee degdegga ah

App-ku waa inuusan saameyn ku yeelan howlaha caadiga ah ee taleefankaaga.

App-ku wuxuu bixiyaa xiriiro shabakadaha dibedda ah, oo lagu go'aamiyo koodhka boostada degmada aad gasho. Xiriirinta labadaba koodhadhka boostada Welsh iyo Ingiriis waxaa lagu bixiyaa barnaamijyada baafinta xiriirka ku haboon.

Asturnaanta

Fadlan tixraac Ogeysiiska Asturnaanta (https://www.gov.uk/government/publications/nhs-test-and-trace-app-privacy-information) si aad u hesho macluumaad dheeri ah oo ku saabsan sida app-ku u socodsiinayo xogta shakhsiga ah una ixtiraamo xuquuqdaada asturnaanta iyo asturnaanta sharciyada ilaalinta xogta.

Afeef

Waxaan iska fogeyneynaa oo aan ka saaraynaa dhammaan mas'uuliyadda illaa xadka ugu badan ee sharcigu oggol yahay sheegasho kasta, lumitaan, dalab ama waxyeello nooc kasta ha ahaadee (oo ay ku jiraan dayacaadkeenna) ka dhasha ama la xiriirta adeegsiga adeegga ama macluumaadka, nuxurka ama agabyada ku jira adeegga ama degel kasta oo adeeggu ku xidho. Macluumaadka ay qabato adeeggu waa sida uu bixiyay adeegsadaha, mana qaadanayno wax masuuliyad ah saxitaankiisa.

Sii wadida adeegga

Ma sameyno wax damaanad ah ama matalaad ah, oo aan si cad u qeexeyno ama aan si maldahan u muujineyno, ee ku saabsan sii wadista adeegga, iyo illaa inta ugu sarreysa ee sharcigu oggol yahay wixii dammaanad ah ee la xiriira adeegga waa laga reebay. Waxaan xaq u leenahay inaan joojino, joojinno ama haddii kale bedelno marin u helista qaar ama dhammaan adeegyada waqti kasta iyo ogeysiis la'aan.

Dib-u-eegis lagu sameeyo Shuruudaha Adeegsiga

Waxaan dib u eegis ku sameyn karnaa Shuruudaan Isticmaalka waqti kasta iyo sii wadida adeegsigaaga waxaa loo qaadan doonaa aqbalaada Shuruudaha Isticmaalka ee dib loo eegay.

Amniga

Haddii aad aragto u nuglaansho xagga amniga ah ama aad ka shakisan tahay dhacdo amni oo la xiriirta adeeggan, fadlan raac app-ka u-nuglaanta shaacinta barnaamijka ee app-ka NHS COVID-19 iyo kaabayaasha dhaqaalaha. Waxaad ka aqrisan kartaa Shurudaheena Soo Bandhigida Nuglaanshaha ee HackerOne (https://hackerone.com/nhscovid19app).

Waxaad ku soo wargelin kartaa u nuglaanta app-ka, dib u dhiska kaabayaasha, ama shabakadda adoo adeegsanaya (https://hackerone.com/03351cb3-53e3-4bb8-8fcc-a226e3b528fc/embedded_submissions/new).

Adeeggu wuxuu ahaa welina sii socon doonaa in lagu sameeyo baaritaannada amniga.

Talo

Adiga oo adeegsanaya shaqooyinka hakadka ku jira, fadlan jooji raad-raacista xiriirka marka:

  • Aad si buuxda amaan aad ugagajirto macaamiisha iyo asxaabtaada caqabad jireed, sida shaashadda 'Perspex screen'
  • dhammaan shaqaalaha daryeelka caafimaadku waa inay hakiyaanapp-ka inta ay ka shaqeynayaan dhismooyinka daryeelka caafimaadka, oo ay ku jiraan isbitaalada iyo xarumaha GP-ga
  • telefoonkaaga waxaa la gelinayaa sanduuq ama wax la mid ah

Xusuusnow inaad dib u bilawdo (oo shidid) raad-raacista xiriirka marka kuwani aysan sii soconaynin. App-ku wuxuu kuu ogolaanayaa inaad dejiso saacad iyo xusuusin.

Digniin

App-kan wuxuu sababi karaa faragelin qalabka caafimaadka ee kartida u leh Bluetooth.

La hadal xirfadle daryeel caafimaad ama talo ka raadi soo saaraha qalabkaaga wixii macluumaad dheeraad ah haddii aad ka walaacsan tahay halista faragelinta qalabka caafimaadka ee karti u leh Bluetooth.

Nooca app-ka 3.10